Psa 124 | MMX | STEP | Mo do Leeme Silok gixo tu at lenep atdik, nedik limixin axap me Israel giba exip tangarang mi lempanga salai?

Psalms 124

Moroa Neni Lurutu See Pe At Limixin Teren

1 Mo do Leeme Silok gixo tu at lenep atdik, nedik limixin axap me Israel giba exip tangarang mi lempanga salai?

2 Mo do Leeme Silok gixo tu at lenep atdik, lavamunepen giba esep tangarang midik; 3 la lebelemamao atdi giba lok kapmek aleng tidik, la nedi giba linge bintoo nedik 4 la ladanut giba vula pe nedik, la na vaxat ka nedik uto vetpes, 5 la laaran silok gibak mir axong nedik.

6 Ata tong avukat ti Leeme Silok mo ga lox asepsu dik basinge lavamunepen atdik. 7 Nedik tara sixiroo vam kerekngan lapka i sixiroo basinge lelixo, nai lelixo ira rexorop pam, la nedik na tara sepmus ta. 8 Loklok tooro atdik ip tavasu boro at Leeme Silok, neni ga rudum li laxalibet mi lavatbung menemen.